Lyrics:

Fjölð ek fór, fjölð ek freistaða,
fjölð ek reynda regin;
hitt vil ek vita, hvé Vafþrúðnis
salakynni sé.

Fór þá Óðinn at freista orðspeki
þess ins alsvinna jötuns;
at höllu hann kom, ok átti Íms faðir;
inn gekk Yggr þegar.

Heill þú nú, Vafþrúðnir, nú em ek í höll kominn
á þik sjalfan sjá;
hitt vil ek fyrst vita, ef þú fróðr sér
eða alsviðr jötunn.

Hvat er þat manna er í mínum sal
verpumk orði á?
Út þú né komir órum höllum frá,
nema þú inn snotrari sér.

Gagnráðr ek heiti, nú emk af göngu kominn,
þyrstr til þinna sala;
laðar þurfi - hef ek lengi farit -
ok þinna andfanga, jötunn.

Hví þú þá, Gagnráðr, mælisk af golfi fyr?
Far þú í sess í sal!
Þá skal freista, hvárr fleira viti,
gestr eða inn gamli þulr.

Óauðigr maðr, er til auðigs kemr,
mæli þarft eða þegi;
ofrmælgi mikil, hygg ek, at illa geti
hveim er við kaldrifjaðan kemr.

Fjölð ek fór, fjölð ek freistaðak,
fjölð ek of reynda regin;
Hvat mælti Óðinn, áðr á bál stigi,
sjalfr í eyra syni.

Ey manni þat veit, hvat þú í árdaga
sagðir í eyra syni;
feigum munni mælta ek mína forna stafi
ok of ragnarök.
Nú ek við Óðin deildak mína orðspeki;
þú ert æ vísastr vera.

Written and performed by Will Hunter
Vocals (Vafþrúðnir) by Sigurboði Grétarsson