試Hyundai IONIQ 5，有好多嘢估唔到，估唔到同以前試嘅 IONIQ Electric或者KONA Electric分別可以咁大，估唔到一向認為日本設計先最細心，但今次呢部韓國車就係做到樣樣方便就手，連好多好細微嘅位置都照顧周到。懸掛避震係好多電動車嘅弱項， IONIQ 5嘅舒適感，今次乘客應該冇投訴。仲有加速力、操控感都係值得欣賞。306匹馬力+AWD 嘅IONIQ 5 R+ AWD版唔係一部跑車，不過係一部照顧日常都非常妥貼嘅SUV，空間？放心啦，一定夠用！